Bakı–Quba yolunda avtomobilin hərəkəti zamanı təhlükəli davranış sərgiləyən sərnişin məsuliyyətə cəlb olunub.
Görüntülərdə hərəkətdə olan "QAZ" markalı avtomobilin sərnişininin ayaqlarını pəncərədən çölə çıxardığı əks olunub. Şikayətçinin sözlərinə görə, həmin şəxs yolboyu bu təhlükəli davranışı davam etdirib.
Məsələ ilə bağlı Baş Dövlət Yol Polisi İdarəsinin Yol Patrul Xidməti Alayından bildirilib ki, aparılan araşdırma zamanı qayda pozan şəxsin Xaçmaz rayon sakini Aydınov Aydın Tofiq oğlu olduğu müəyyən edilib.
Alay əməkdaşları tərəfindən həmin şəxs barəsində qanunvericiliyə uyğun inzibati tənbeh tədbiri görülüb.
Qayda pozan şəxs etdiyi hərəkətdən peşman olduğunu bildirərək, bir daha belə davranışa yol verməyəcəyini deyib.
Mənbə: Avtosfer.az
