Bakı-Quba yolunda ağır yol-nəqliyyat hadisəsi baş verib. Bu haqda ShimalNews 17 fevral tarixində DİN-nin mətbuat xidmətinə istinadən məlumat verir.
Qəza Siyəzən rayonunun Beşdam kəndində qeydə alınıb. Quba istiqamətində hərəkətdə olan "Mercedes Vito" markalı mikroavtobus idarəetməni itirərək əks-istiqamətdə hərəkətdə olan "Opel" markalı avtomobillə toqquşub.
Hadisə nəticəsində mikroavtobusda olan sərnişinlərdən 3 nəfər ölüb, 7 nəfər isə müxtəlif dərəcəli bədən xəsarətləri alıb.
Faktla bağlı araşdırma aparılır.
