Bakı-Quba yolunda baş verən qəzada bir ailənin 3 üzvü xəsarət alıb. Bu barədə ShimalNews 26 dekabr tarixində Report-a istinadən məlumat verir.
Hadisə avtomagistralın 120-ci km-də, Şabran rayonunda qeydə alınıb. Bayram Həsənov idarə etdiyi "Opel" markalı avtomobillə Gülnar Zeynalovanın idarə etdiyi "Hyundai Sonata" markalı avtomobil toqquşub.
İlkin məlumata görə, hər iki avtomobil Bakı şəhəri istiqamətində hərəkətdə olub.
Qəza nəticəsində 54 yaşlı Bayram Həsənov, həyat yoldaşı, 47 yaşlı Samirə Əliyeva və oğlu, 29 yaşlı Fariz müxtəlif dərəcəli xəsarətlər alıblar. Onlar Şabran Rayon Mərkəzi Xəstəxanasına çatdırılıblar.
Araşdırma aparılır.
[caption id="attachment_34117" align="alignnone" width="640"]
Foto Report.az[/caption]
[caption id="attachment_34119" align="alignnone" width="640"]
Foto Report.az[/caption]
