"Azərbaycan Hava Yolları" QSC (AZAL) Naxçıvanla nəqliyyat əlaqəsinin təmin olunması məqsədilə Bakı–İğdır–Bakı marşrutu üzrə növbəti reyslər təşkil edib.
Shimal.News xəbər verir ki, bu barədə AZAL məlumat yayıb. Bildirilib ki, mövcud vəziyyət nəzərə alınaraq Azərbaycan vətəndaşlarının Bakı ilə Naxçıvan arasında alternativ nəqliyyat imkanlarından istifadə etməsi üçün Bakı–İğdır–Bakı istiqamətində əlavə uçuş cədvəli hazırlanıb.
Məlumata görə, həmin marşrut üzrə reyslər vasitəsilə sərnişinlər Türkiyənin İğdır şəhərinə uçaraq oradan quru yolu ilə Naxçıvana keçə bilirlər.
Qeyd edək ki, hazırlanmış uçuş cədvəlinə əsasən, 2026-cı il martın 6-na planlaşdırılan reyslər müəyyən edilib və sərnişinlərin daşınması bu qrafik üzrə həyata keçiriləcək.
