AZAL-a məxsus təyyarənin Aktauda qəzaya uğradığı ərazidən 12 nəfər müxtəlif xəsarətlərlə Manqistau vilayət xəstəxanasına çatdırılıb. 14 nəfərdən 5-i reanimasiya şöbəsinə yerləşdirilib. Yaralıların arasında 11 və 16 yaşlı yeniyetmələr də var.
12:00
Aktauda AZAL-a məxsus təyyarənin qəzaya uğraması nəticəsində 12 nəfər xəsarətlə xəstəxanaya çatdırılıb, Qazaxıstan Səhiyyə Nazirliyi məlumat yayıb.
AZAL-ın rəsmi məlumatına görə, göyərtədə 62 sərnişin, 5 ekipaj üzvü olmaqla, ümumilikdə 67 nəfər olub. Sərnişinlər arasında uşaqlar olmayıb, zərərçəkənlər barədə məlumat tezliklə təqdim ediləcək. Məlumata görə sağ qalanlar var, onlara ilkin tibbi yardım göstərilir.
Qazaxıstan tərəfi ilə təmaslar həyata keçirilir və hadisə yerində Qazaxıstanın fövqəladə xilasetmə qurumları tərəfindən lazımi operativ zəruri dəstək göstərilir.
11:18
Azərbaycana məxsus təyyarə qəzaya uğrayıb.
Shimal.News xəbər verir ki, “Azərbaycan Hava Yolları” aviaşirkətinin J2-8243 nömrəli Bakı-Qroznı reysini yerinə yetirən “Embraer 190” təyyarəsi Qazaxstanın Aktau şəhərinin 3 km yaxınlığında qəza enişi edib.
İlkin məlumata görə hava gəmisi quş sürüsü ilə toqquşub. Hadisə zamanı təyyarədə 67 sərnişin, 5 ekipaj üzvü olub.
View this post on Instagram
