Dövlət Şəhərsalma və Arxitektura Komitəsinin sədri Anar Quliyev vətəndaş qəbulu çərçivəsində Qax rayonuna səfər edib.
Shimal.News xəbər verir ki, qəbuldan əvvəl Ümummilli Lider Heydər Əliyevin Qax şəhərindəki abidəsi ziyarət olunub, önünə gül dəstələri qoyularaq xatirəsi ehtiramla yad edilib.
Daha sonra Qax, Oğuz, Şəki, Qəbələ, Balakən və Zaqatala rayonlarından olan vətəndaşlarla görüş keçirilib. Qəbul zamanı şəhərsalma və ərazi planlaşdırılması, yaşayış məntəqələrinin kompleks inkişafı, mühəndis və sosial infrastrukturun təkmilləşdirilməsi, eləcə də sahibkarlıq və investisiya fəaliyyəti üçün əlverişli şəraitin yaradılması ilə bağlı məsələlər müzakirə olunub.
Görüşdə vətəndaşların müraciət və təklifləri dinlənilib, qaldırılan problemlərin operativ araşdırılması və həlli istiqamətində aidiyyəti qurumlara müvafiq tapşırıqlar verilib.
Qeyd edək ki, vətəndaş qəbullarının keçirilməsində məqsəd regionlarda yaşayan sakinlərin müraciətlərinin yerində araşdırılması və şəhərsalma sahəsində mövcud məsələlərin operativ həllinə nail olmaqdır.
