Zaqatalada 77 yaşlı əməkdar mədəniyyət işçisi, məşhur kəndirbaz Rəşid Ələkbərov öz həyətində Heydər Əliyevə həsr olunmuş xüsusi muzey yaradıb. O, eksponatları 40 ildən uzun müddət ərzində tək-tək toplayıb. Muzeydə 500-dən çox foto və material sərgilənir.
Rəşid Ələkbərov Ulu Öndərlə 1983-cü ildə baş tutan ilk görüşünü xatırlayır. Kəndir üzərində çıxış etdiyi vaxt güclü külək başlayıb, lakin Heydər Əliyev onu dəstəkləyib və "ata sənətini davam etdirdiyinə görə təşəkkür edirəm" deyib.
Bu sözlər sənətkar üçün ilham olub və o, həmin həyətin ən gözəl hissəsində Ulu Öndərə həsr etdiyi muzeyi yaradıb. Bu gün muzey məktəblilərdən tutmuş xarici qonaqlara qədər çox sayda ziyarətçi qəbul edir.
Daha ətraflı Baku TV-nin videosunda.
