Yaralanan Xaçmaz Peşə Liseyinin əməkdaşları ambulator müalicə üçün evə buraxılıblar.
Tibbi Ərazi Bölmələrini İdarəetmə Birliyindən (TƏBİB) Shimal.News-un sorğusuna cavab olaraq bildirib ki, Bakı-Quba Rusiya Federasiyası sərhədi avtomobil yolunda baş verən yol-nəqliyyat hadisəsində xəsarət alan 4 nəfər (3-ü kişi, 1-i qadın olmaqla) müxtəlif travmalarla Quba Rayon Mərkəzi Xəstəxanasına təxliyə olunub:
“1966-cı il təvəllüdlü şəxsə (kişi cinsli) sol əlin IV daraq sümüyünün travmatik çıxığı, əllərin sıyrılmış yaraları, sol bazu oynağının əzilməsi diaqnozu ilə xəstəxananın Təcili yardım şöbəsində tibbi yardım göstərilir. Digər şəxslərin hər birinə zəruri tibbi yardım göstərilib və ambulator müalicə üçün evə buraxılıblar”.
Nəzrin Vahid
11:39
Bakı-Quba-Rusiya Federasiyası sərhədi avtomobil yolunda ağır yol-nəqliyyat hadisəsi baş verib.
“Azərtac”ın məlumatına görə, qəza oktyabrın 16-sı səhər saatlarında qeydə alınıb.
Magistralın Siyəzən rayonu ərazisindən keçən hissəsində “Mercedes” markalı avtomobil qəzaya düşüb. Nəticədə Xaçmaz Peşə Liseyinin beş əməkdaşı yaralanıb. Onlar Siyəzən Rayon Mərkəzi Xəstəxanasına yerləşdirilib.
Faktla bağlı araşdırma aparılır.
