Gecə saatlarında Xaçmaz rayonunun Qobuqıraq kəndi yaxınlığında "BMW" markalı avtomobil aşıb. Nəticədə nəqliyyat vasitəsində olan 3 nəfər hadisə yerində həyatını itirib.
Shimal.News-un əldə etdiyi məlumata görə, "BMW" markalı avtomobil aşmadan öncə Xaçmaz rayonunun Gəncəli kənd sakini, 45 yaşlı Mömin Sadıqovun idarə etdiyi “Mercedes" markalı avtomobillə yüngül toqquşub. Nəticədə idarəetmədən çıxan nəqliyyat vasitəsi çay yatağına aşıb. İlkin ehtimala görə, hadisə yüksək sürət səbəbindən baş verib.
07:00
Gəndob-Yalama avtomobil yolunun Xaçmaz rayonu ərazisindən keçən hissəsində avtomobil çaya aşıb.
Shimal.News xəbər verir ki, "BMW" markalı avtomobil qəzaya düşüb. Nəticədə sürücü 33 yaşlı Vüsal Bayramov, sərnişin 41 yaşlı Samir Mənsumov hadisə yerində ölüblər.
Digər sərnişin Anar Məmmədovun meyiti isə qəzaya uğrayan avtomobildən kənarda aşkarlanıb.
Bildirilib ki, ölən şəxslər ad günü məclisindən qayıdırmışlar.
Faktla bağlı araşdırma aparılır.
