Qubalı Nəriman Ziyadxan oğlu Niyazov yaxın dostunu ( fotoda sağ tərəfdə, ağ-qara fonda olan şəxs) axtarır.
Shimal.News-a müraciət edən Nəriman Niyazovun sözlərinə görə, axtardığı şəxs Qusar rayonunun Urva kəndindəndir. Dostunun adı Ağcabəy (Alik) olub, ailəlidir. Ağcabəyin yoldaşının adı isə Raisa, iki övladı var - bir oğlan və bir qız.
Niyazov bildirib ki, dostu ilə sonuncu dəfə 1999-cu ildə görüşüblər. Onlar bir müddət Qazaxıstanda birgə işləyiblər və ailəvi dostluq münasibətləri qurublar. Hazırda özü ailəsi ilə birlikdə Bakıda yaşayır.
66 yaşlı Nəriman Niyazov deyir ki, illər keçsə də, dostunu tapmaq arzusu qəlbində yaşayır və onunla yenidən görüşmək istəyir.
Axtarılan şəxsi tanıyan və ya barəsində məlumatı olan şəxslərdən xahiş olunur ki, bizimlə əlaqə
saxlasınlar.
