Sabah Balakən rayonunun bəzi ərazilərində qaz təchizatında fasilələr yaranacaq.
Shimal.News xəbər verir ki, bu barədə Zaqatala Regional Qaz İstismarı İdarəsi (RQİİ) məlumat yayıb.
Bildirilib ki, Zaqatala RQİİ-nin Balakən xidmət sahəsində Balakən rayonu Kortala kəndində 160 mm və 225 mm-lik yeraltı ortatəzyiqli daşıyıcı qaz xətlərinin kipliyə sınaq olunması, 28 May küçəsində 325 mm-lik ortatəzyiqli daşıyıcı qaz xəttinin qaynaq yerlərində aşkar olunmuş qaz sızmalarının ləğvi ilə əlaqədar 09.07.2025-ci il tarixdə saat 09:00-dan işlər yekunlaşanadək Balakən QPS-in Balakən ölçü qovşağından qidalanan ortatəzyiqli qaz xətlərindən ( F/Ş Kaxov Ramazan və F/Ş Əsgərov Əsgər kərpic zavodları istisna olmaqla, Balakən şəhəri, 26 kənd və 1 qəsəbədə cəmi 20 351 əhali və 258 qeyri-əhali abonenti) qaz təchizatının daxildən dayandırılması planlaşdırılır.
İşlər başa çatdırıldıqdan sonra qazın verilməsi bərpa olunacaq.
