150–200 bal toplayan abituriyentlər bu ildən I və II ixtisas qruplarında daha çox ixtisas seçə biləcəklər.
Shimal.News xəbər verir ki, bunu Dövlət İmtahan Mərkəzinin İdarə Heyətinin sədri Məleykə Abbaszadə jurnalistlərə açıqlamasında bildirib.
Onun sözlərinə görə, ötən il I ixtisas qrupunda 150 balla qəbul aparılan 11 ixtisas var idi. Onlardan 7-si kənd təsərrüfatı, 4-ü isə Riyaziyyat–İnformatika (Rİ) altqrupuna aid idi.
Bu il isə Rİ altqrupuna Kompüter mühəndisliyi və İnformasiya texnologiyaları ixtisasları da əlavə olunub. Beləliklə, 150–200 bal toplayan abituriyentlər bu ixtisasları da seçə biləcəklər.
Məleykə Abbaszadə bildirib ki, II ixtisas qrupunda da təxminən 7 yeni ixtisas 150 ballıq seçim siyahısına daxil edilib.
DİM sədri qeyd edib ki, III və IV ixtisas qruplarında isə heç bir dəyişiklik edilməyib və ötənilki siyahı qüvvədə saxlanılıb.
