Dövlət Su Ehtiyatları Agentliyinin sədri Zaur Mikayılov Quba, Qusar və digər rayonlardan olan vətəndaşları qəbul edib.
Shimal.News məlumat verir ki, tədbir Quba Su Meliorasiya Sistemlərinin İstismarı İdarəsinin inzibati binasında keçirilib.
Sədr vətəndaşlar qaldırdıqları məsələlərin hərtərəfli öyrənilməsi və qanunvericiliyin tələblərinə uyğun qısa müddətdə həll edilməsi üçün müvafiq tapşırıqlar verib.
Müraciətlər əsasən suvarma suyuna olan tələbatın ödənilməsi, kanalların beton üzlüyə alınması, yeni subartezian quyularının qazılması, içməli su təchizatı, kanalizasiya şəbəkələrinin yenidən qurulması, selə qarşı mübarizə tədbirlərinin artırılması çərçivəsində çay məcralarının tənzimlənməsi və daş-beton bəndlərin qurulması, işə qəbul və digər məsələlərlə bağlı olub.
Vətəndaşların müraciətlərinin bir qismi yerindəcə həllini tapıb, qaldırılan bəzi məsələlər isə araşdırılması üçün nəzarətə götürülüb.
