Zaqatala və Balakən rayonlarında qəhvəyi mərmər bağacığına qarşı "Tap öldür" kampaniyası həyata keçirilir.
Shimal.News xəbər verir ki, bu barədə Kənd Təsərrüfatı Nazirliyindən bildirilib.
Məlumata görə, nazirliyin Aqrar Xidmətlər Agentliyinin Bitki Mühafizəsi və Fumiqasiya (zərərsizləşdirmə) Mərkəzinin mütəxəssisləri texniki avadanlıqlarla təmin olunaraq əraziyə ezam olunublar.
Zərərvericinin sərhədboyu miqrasiya etmə ehtimalını nəzərə alaraq monitorinq tədbirləri gücləndirilib. Xüsusilə, Balakən, Zaqatala, Qax, Ağstafa, Qazax, Şabran, Qusar, Quba və Xaçmaz rayonlarının sərhəd kəndlərində mütəmadi olaraq tədbirləri aparılır və əhalinin maarifləndirilməsi davam etdirilir.
