"Bilik arenası" intellektual turniri başa çatıb.
Shimal.News xəbər verir ki, II turda Quba rayonu üzrə 8 komanda heyətində 48 gənc mübarizəyə qoşulub.
Turnir Quba ilə bərabər Lənkəran, Göyçay, Hacıqabul, İsmayıllı və Qazaxda baş tutub.
2 turun yekun cədvəlinə əsasən I yeri Lənkəranın "Ceteris Paribus", II yeri Hacıqabulun "Xudmani" və III yeri isə Qubanın "Yurd Quba" komandası tutub.
İlk 3 yerin qalibi olan komandalar yaxın zamanda kubok, medal və diplomlarla təltif olunacaqlar.
Qeyd edək ki, Qubada keçirilən turnir Gənclərin İnkişaf və Karyera Mərkəzinin Quba-Xaçmaz regional nümayəndəliyi, “3sual.az” intellektual oyunlar platforması, Quba regional "ASAN xidmət" mərkəzi, Quba rayon Heydər Əliyev Mərkəzi və "Yurd" Gənclərin İntellektual İnkişafına Dəstək İctimai Birliyinin birgə təşkilatçılığı ilə keçirilib.
