Quba rayonu Aşağı Atuc kənd tam orta məktəbinin məzunu yüksək bal toplayaraq müəllim olmaq arzusunu həyata keçirəcək. Bu haqda ShimalNews 14 avqust tarixində “AzEdu.az”a istinadən məlumat verir.
İmtahanlarda yüksək nəticə göstərən abituriyentlərin əksəriyyəti ya paytaxtda ya da xaricdə oxumağa üstünlük verirlər. Lakin Nəzrin Novruzova 610 balla Azərbaycan Dövlət Pedaqoji Universitetinin (ADPU) Quba fililalında təhsil alacaq.
Nəzrin bildirir ki, universitet filialı onun yaşadığı yerdə olduğu üçün əlverişlidir. O, magistraturanı isə Bakıda, ya da xaricdə oxumağı düşünür:
“Uşaqlıqdan hədəfim təhsil almaq, cəmiyyətə yararlı şəxsiyyət kimi formalaşmaq olub. Mənə görə harada təhsil almağın fərqi yoxdur. Atam mənim oxuduğum məktəbdə tarix müəllimidir. Mən də uşaqlıqdan atamı rəhbər tutaraq müəllim olmağı istəmişəm. Fəaliyyətimi həm tərcüməçilik, həm də məktəbdə müəllim işləyərək davam etdirməyi düşünürəm”.
