Bayram tətili yaxınlaşdıqca bölgələrdə günlük kirayə evlərə olan tələbat artıb.
Xezerxeber.az-ın məlumatına görə, bölgələrdə otellərlə müqayisədə daha çox günlük evlərin kirayələnməsinə başlanılıb. Bu isə həmin ərazilərdə kirayə qiymətlərinə də öz təsiri göstərir.
Qiymətlər isə evin otaq sayına və şəraitinə uyğun olaraq dəyişir.
Əmlak məsələləri üzrə ekspert Mülkədar Rüstəmov bildirib ki, qiymətlər, eyni zamanda regionlardan asılı olaraq dəyişir. Ən bahalı gündəlik kirayə evlər İsmayıllı-Qəbələ, Quba-Qusar bölgəsində rast gəlinir. Bu rayonlarda sadə evlərin qiyməti 100 manatdan başlayır. Şəki-Qax-Zaqatala bölgəsində qiymətlər nisbətən ucuzdur. Bu rayonlarda sadə evlərin günlük kirayəsi 50 manatdan təklif edilir.
Mülkədar Rüstəmov vurğulayıb ki, qiymət artımına təsir edən səbəblərdən biri də xarici turların və yerli hotellərin qiymətinin baha olmasıdır.
Ətraflı süjetdə:
