Quba rayonunun Şuduq kəndi Azərbaycanın tarixi və etnik müxtəlifliyi ilə seçilən yaşayış məntəqələrindən biridir.
Shimal.News-un məlumatına görə, bu kənd uzun illər boyu yəhudilər və tatların birgə yaşadığı qədim məkanlardan olub. Rayon mərkəzindən 25 km məsafədə yerləşən Şuduq kəndi hər tərəfdən meşələrlə əhatə olunub və dəniz səviyyəsindən 942 metr yüksəklikdə yerləşir.
"Şuduq" toponimi tat dilində başdan-başa şumlanmış yer, dəmyə əkin yeri, dincə qoyulmuş yer mənasını verir. Bu ad kəndin əsasən kənd təsərrüfatı ilə məşğul olan əhalisi üçün əhəmiyyətli olduğunu göstərir. Tarixi mənbələrə görə, Şuduq kəndində yaşayan yəhudilər əsasən dağ yəhudiləri olub və onlar kəndin iqtisadi və mədəni həyatında mühüm rol oynayıblar.
