Xudat şəhəri Molla Pənah Vaqif küçəsində suyun küçəyə axıdılmasına ya göz yumulur, ya da müvafiq qurum məsələni həll edə bilmir.
Bu barədə Shimal.News-a məlumat verən sakinlər anlamırlar ki, 2 il eyni borunu təmir eləyə bilməmək necə mümkündür:
“Hər dəfə rezin və məftil ilə deşikləri bağlayırlar, bir müddət sonra yenə ətrafı su basır. Əgər bu üsul nəticə vermirsə bəlkə həmin parça borunu dəyişmək lazımdı? Bəyəm belə çətindir məsələyə məntiqli yanaşmaq?”, - deyə Molla Pənah Vaqif küçəsinin sakinləri şikayət edir.
Məsələ Shimal.News-un nəzarətində olduğuna görə, hər su basma və təmir həyata keçiriləndə xəbər yayımlanır. Yaxınlıqda yerləşən şadlıq evinə su xəttinin çəkilməsindən sonra bu su borusu ilə bağlı problem başlayıb. Bu günə kimi heç bir təmir nəticə vermir.
Bəzən elə təəssürat yaranır ki, hər xırda çətinliyi həll eləmək üçün onu şişirdib rəhbər şəxslərin müdaxiləsinə ehtiyac yaradılır.
Məhəmməd Tağı
