Xudat şəhərində Qida Təhlükəsizliyi Agentliyinin (AQTA) keçirdiyi monitorinqlər zamanı bir sıra nöqsanlar aşkar edilib. Bu haqda ShimalNews 15 dekabr tarixində agentliyə istinadən məlumat verir.
Yoxlama zamanı Axundov küçəsində yerləşən "Qayalı" marketində obliqat qrupuna daxil olan işçilərin ilkin və dövri tibbi müayinədən keçməməsi, Azərbaycan dilində markalanması olmayan məhsulların satışı və açıq şəkildə satışı həyata keçirilən süd məhsullarına dair tələblərə əməl edilməməsi müəyyən edilib.
Aşkar edilmiş nöqsanlarla bağlı qanunvericiliyin tələblərinə uyğun müvafiq tədbirlər görülüb.
