Xaçmaz rayonunun Nağıoba kəndində elektrik dirəklərinin vəziyyəti sakinlərin ciddi narahatlığına səbəb olub.
Məsələ ilə bağlı Shimal.News-a danışan sakinlərin sözlərinə görə, elektrik xəttini daşıyan taxta dirək tamamilə çürüyüb.
"Elektrik dirəklərinin bir çoxu qəzalı vəziyyətdədir. Onlar yalnız üstündəki naqillərin gərginliyi hesabına "hava dəstəyində" dayanır və istənilən an aşaraq faciəyə səbəb ola bilər. Bu vəziyyət uzun müddətdir davam edir, lakin aidiyyəti qurumlar tərəfindən heç bir tədbir görülmür. Uşaqların, piyadaların və yoldan keçən nəqliyyat vasitələrinin həyatı üçün real təhlükə yaranıb. Problem vaxtında həll olunmasa, ağır nəticələr qaçılmazdır", - deyə sakinlər bildiriblər.
