Xaçmaz şəhərində yerləşən Heydər Əliyev parkına içməli suyun verilişi dayandırılıb.
Bu barədə yerli sakinlər Shimal.News-a məlumat veriblər. Onlar bildirirlər ki, parkda su tapmaq müşkülə çevrilib:
"Əvvəl sərin artezian suyu verilirdi, qızmar günlərdə su içib sərinləyirdik. Nə İlham bulağına su gəlir, nə də Heydər bulağına. Parkdakı digər adsız bulaqların da suyu quruyub və onların krantları yararsız vəziyyətə düşüb. Qarşıdan isti yay günləri gəlir, parklarda suyun olması vacibdir", - deyə yerli sakinlər vurğulayıblar.
Bundan savayı Şollar su kəmərini çəkməklə böyük xeyriyyəçilik edən H.Z.Tağıyevin adına bulaqda da su yoxdur.
View this post on Instagram
