Xaçmaz şəhəri Nəriman Nərimanov prospektində antisanitar vəziyyət hökm sürür.
Məsələ ilə bağlı Shimal.News-a danışan yerli sakinlər bildiriblər ki, mərkəz küçələrində məişət tullantıları zibil qutularından dolub-daşır:
“Zibillər vaxtaşırı götürülmədiyi üçün belə antisanitar vəziyyət yaranıb. Zibil qutularından daşan tullantılar ətrafa üfunət saçır. Natəmizlik, pis qoxu və tullantı sularının ətrafa yayılması sağlamlıq üçün ciddi təhlükə yaradır. Bura şəhərin mərkəzi küçəsidir, amma görün nə gündədir”,- deyə sakinlər narazılıqlarını bildiriblər.
Onlar məsul qurumların tezliklə bu problemi aradan qaldırmasını istəyirlər.
