“Şahin” hərbi-idman oyununun finalı keçirilib.
Shimal.News xəbər verir ki, 14 komanda sıra hazırlığı, darağa patronların doldurulması və boşaldılması, avtomatın sökülməsi və yığılması, fiziki hazırlıq, maneələrin dəf olunması, tüfəngdən hədəfə atəş açılması, mülki müdafiə hazırlığı, çadırın qurulması və intellektual müsabiqə mərhələlərində güclərini sınayıblar.
Sumqayıt şəhər komandası 1ci, Sabunçu rayon komandası 2-ci, Xaçmaz rayon komandası isə 3-cü yerə layiq görülüblər.
Yarış “Gənclər Paytaxtı” Sumqayıt şəhərində Vətən müharibəsində əldə edilən Zəfərin 5 illiyinə həsr olunub. Bu il ümumilikdə 22.000 məktəbli öz gücünü sınayıb.
