Xaçmaz şəhər 5 saylı uşaq bağçasının acınacaqlı vəziyyəti valideynlərin narahatlığına səbəb olub.
Shimal.News-un məlumatına görə, bağçada təlim-tərbiyə alan uşaqların valideynləri müəssisənin baxımsız və təhlükəli durumda olduğunu bildiriblər.
Sakinlərin sözlərinə görə, taxtadan tikilmiş bina artıq uzun müddətdir ki, əsaslı təmir olunmayıb. Qapı və divarların qırıq-sökük vəziyyətdə olduğu, dam örtüyünün köhnəldiyi, yağışlı havalarda suyun birbaşa içəri axdığı qeyd olunur.
Valideynlər bildirirlər ki, bağçanın çöl hasarlarında yerləşən çay daşları belə qoparaq tökülür və bu da həyətində oynayan uşaqlar üçün ciddi təhlükə yaradır.
Sakinlər aidiyyəti qurumlara çağırış edərək, uşaqların təhlükəsizliyi üçün bağçanın tezliklə əsaslı təmir olunmasını tələb edilər.
