Xaçmazlılar qardaş Türkiyə üçün dəstəklərini əsirgəmirlər. Bu barədə ShimalNews fevralın 23-də RİH-yə istinadən məlumat verir.
İcra Hakimiyyətinin sifarişi ilə müasir modul tipli 5 ədəd fərdi yaşayış evi hazırlanıb və yola salınıb. Bu evlər yüksək keyfiyyətlə hazırlanmış, hər cür məişət şəraiti ilə təmin olunmuş 2 otaqdan ibarətdir. Onların hər birində 12 nəfərin yaşaması üçün lazımi şərait yaradılıb.
Xaçmaz rayonundan bu günədək qardaş ölkəyə 10-a yaxın yardım avtomobili yola salınıb. Sakinlər, sahibkarlar və könüllülər hər bir prosesdə fəal iştirak edirlər.
