Xəbər verdiyimiz kimi, bu gün Xaçmaz rayonunun Ağtala kəndində qətl hadisəsi baş verib.
Shimal.News-un əldə etdiyi məlumata görə, meyvə ticarəti ilə məşğul olan kənd sakini Emin Baxışov əldə edilən gəliri şəriki Kənan Cəbiyevlə bölə bilməyib.
Bu zaman 32 yaşlı Emin Baxışov sərxoş vəziyyətdə olduğuna görə, mübahisə daha da böyüyüb. O, 37 yaşlı Kənan Cəbiyevə bıçaqla xəsarət yetirib.
Kənan avtomobilinə əyləşərək evinə doğru getməyə çalışıb, lakin xəsarəti ağır olub. O, xəstəxanaya çatdırılan zaman dünyasını dəyişib.
Hadisəni törədən 2-ci Qarabağ müharibəsi iştirakçısı Emin Baxışov Xaçmaz rayon Polis Şöbəsinə gedərək təslim olub.
Faktla bağlı Xaçmaz rayon Polis Şöbəsində cinayət işi açılıb, istintaq araşdırmaları davam etdirilir.
