Xaçmaz şəhəri Nərimanov küçəsində “Əlillər binası”nın yaxınlığında yerləşən ərazidə sakinlər uzun müddətdir həllini tapmayan bir problemlə üzləşiblər.
Məsələ ilə bağlı Shimal.News-a danışan yerli sakinlər bildiriblər ki, aylardır qırılan ağacın qalıqları və budaqları ərazidən yığışdırılmır və təmizlik işləri aparılmır.
“Bu ağac may ayından qırılıb və budaqları bura tökülüb. Amma aradan iki aydan çox vaxt keçsə də, təmizlik işləri aparılmayıb. Aidiyyəti qurumlara müraciət etsək də, məsələyə baxan yoxdur. Həmçinin, insanlar ağacın ətrafına gətirib zibil də tökürlər”,- deyə sakinlərdən biri söyləyib.
Sakinlər tezliklə ərazinin təmizlənməsini istəyirlər.
