Xaçmaz rayonu Niyazoba kəndində elektrik xətləri təhlükə saçır.
Bununla bağlı Shimal.News-a danışan sakinlərin sözlərinə görə, güclü külək zamanı xətlər bir-birinə qarışaraq qısaqapanmalara yol açır.
“Bəzi naqillər az qala yerə qədər sallanır, insanların işlədiyi obyektlərin və gündəlik hərəkət etdiyi ərazilərin üzərindən keçir. Eyni zamanda, bəzi elektrik xətləri ağac budaqları ilə təmasdadır. Bu da təhlükəsizlik baxımından ciddi risk yaradır.
Naqillərin bir-birinə sürtünməsi və iç-içə girməsi ölümcül nəticələrə səbəb ola bilər”,- deyə sakinlər vurğulayıblar.
Onlar aidiyyəti qurumların dərhal tədbir görməsini istəyirlər.
