Xaçmaz şəhərinin Zərifə Əliyeva küçəsi 66 ünvanında ağaclar kökündən çıxarılıb.
Məsələ ilə bağlı Shimal.News-a danışan yerli sakinlərin sözlərinə görə, illər əvvəl əkilən şam və qovaq ağaclarından 5-i ötən gecə naməlum şəkildə yoxa çıxıb.
“Ağaclardan geriyə yalnız boş, kökləri görünən quyular qalıb. Həmin ərazidəki binanın birinci mərtəbəsində yeni obyekt açılır. Güman edirik ki, bu səbəbdən ağaclar kəsilib və ya kökündən çıxarılıb”.
Qeyd edək ki, sözügedən ərazidə Ekologiya və Təbii Sərvətlər Nazirliyinin əməkdaşları baxış keçirib və araşdırmalara başlanılıb.
