Xaçmaz şəhəri, Asif Cəbrayılov küçəsində fərdi yaşayış evlərinin birində Mafizə Gülmalı qızı Şirinbalayevanın cəsədi aşkarlanıb.
Pravda.az-ın məlumatına görə, meyit müayinə olunmaq üçün Səhiyyə Nazirliyinin Məhkəmə – Tibbi Ekspertiza və Patoloji Anatomiya Birliyinin Xaçmaz rayon Şöbəsinə təhvil verilib.
İlkin araşdırmalarla onun qətlə yetirildiyi müəyyən olunub. İş üzrə şübhəli şəxs qismində başqa şəxs saxlanılsa da, hadisəni törədən 6 ay sonra saxlanılıb.
Belə ki, qətl hadisəsini mərhumun evinin yaxınlığında tikintidə fəhlə işləyən Fərman Seyfulla oğlu Dəmirovun törətdiyi məlum olub. Həmin şəxs istintaqa təhvil verilib.
Sumqayıt Ağır Cinayətlər Məhkəməsinin hökmü ilə Fərman Dəmirov 19 il müddətinə azadlıqdan məhrum edilib.
Təqsirləndirilən Fərman Dəmirov barəsindəki hökmdən apellyasiya şikayəti verib. Lakin, apellyasiya şikayəti təmin edilməyib.
