Xaçmaz rayonunun Zəfər Parkında “Konstitusiya və Suverenlik ili” çərçivəsində “Qərbi Azərbaycan-Yurd yerimiz” festivalı təşkil olunub.
Shimal.News xəbər verir ki, tədbir Rayon İcra Hakimiyyəti və Qərbi Azərbaycan İcması ilə birgə keçirilib.
Burada rayon rəhbərliyi, Milli Məclisin deputatları, ziyalılar, icma üzvləri, ictimaiyyət nümayəndələri və sakinlər iştirak ediblər.
Qonaqlar Qərbi Azərbaycanın tarixini, mədəniyyətini, mətbəxini özündə əks etdirən sərgi ilə tanış olub, aşıq sənəti, yallı nümunələri və Qərbi Azərbaycana aid bədii qiraət nümunələrindən ibarət kompozisiyalara tamaşa ediblər.
Həmçinin Şimal bölgəsi və Xaçmaz rayonunun tarixi, mədəniyyəti, məişəti, kulinariyası, əhalisinin həyat tərzi, məşğulluğu və adət-ənənələrini əks etdirən nümunələrlə tanışlıq olub.
Festivalda tanınmış incəsənət ustalarının iştirakı ilə geniş konsert proqramı təqdim olunub.
