Xaçmaz Dövlət Aqrar İnkişaf Mərkəzində (DAİM) “Qəhvəyi mərmər bağacığı, karantin böcəyinə qarşı mübarizə tədbirləri” mövzusunda təlim keçirilib. Bu barədə ShimalNews 28 mart tarixində Meyvəçilik və Çayçılıq Elmi-Tədqiqat İnstitutuna istinadən məlumat verir.
Təlim Qubada yeləşən tədqiqat institutunun Bitki mühafizəsi şöbəsinin müdiri Faiq Əliyev tərəfindən aparılıb. O bildirib ki, qəhvəyi mərmər bağacığı 300-dən çox bitki ilə qidalanır. Bu, məhsuldarlığı əhəmiyyətli dərəcədə aşağı salır.
Sonda zərərvericiyə qarşı səmərəli mübarizənin aparılması məqsədilə kimyəvi mübarizə üsulları haqqında fermerlərə ətraflı məlumat verilərək, maarifləndirici bukletlər paylanılıb.
