Xaçmazda yaşayan Həqiqət Mədətova 20 il repetitorluqla məşğuldur. O, çoxdankı xəyalını reallaşdırmaq üçün dəstək alıb. Bu haqda ShimalNews 29 noyabr tarixində Xaçmaz Qadın Resurs Mərkəzinə istinadən məlumat verir.
Həqiqət müəllimə ingilis, Azərbaycan və rus dilləri, eləcə də ibtidai sinif fənlərindən dərs deyir. O, öz kursunu açmaq üçün Qadın Resurs Mərkəzinə müraciət edib.
Bir çox təlimlərdə iştirak edərək Həqiqət xanım biznesin inkişafı ilə bağlı biliklərini artırıb, gəlir və xərclərini dəqiqliklə planlamağı öyrənib:
“Nəhayət ki, xəyal etdiyim işi qurdum! Dərs keçmək üçün bir çox avadanlığım və vəsaitim yox idi. Mərkəz tərəfindən notbuk, lövhə, proyektor və çap maşını ilə təmin olundum. Həm onlayn dərslər keçməyə başladım, həm də işimi daha da genişləndirdim”.
Bu dəstək BMTİP-nin icrası ilə “Sahibkarlığa və Məşğulluğa İqtisadi Dəstək” layihəsi çərçivəsində göstərilir. Onun maliyyələşdirilməsi USAID Azerbaijan tərəfindən həyata keçirilir.
