Xaçmazda şəhərə yaxın ərazidə yerləşən Pirkənd qəbristanlığına və Üryan baba pirinə aparan yol boyu ətraf mühitin çirklənməsi ciddi narahatlıq doğurur.
Məsələ ilə bağlı Shimal.News-a danışan sakinlərin sözlərinə görə, meşəlik ərazidən keçən yol boyunca hər addımda tullantı qalaqlarına rast gəlinir.
“Köhnə avtomobil hissələri, plastik qablar, şüşə qırıntıları, hətta fındıq qabıqları belə bu yola səpələnib.
İnsanların ziyarətə gəldiyi, ölülərin uyuduğu bir məkanın yolunun zibilliyə çevrilməsindən narazıyıq. Aidiyyəti qurumlara dəfələrlə müraciət etsək də, məsələ öz həllini tapmır”,- deyə sakinlər bildiriblər.
