Xaçmazda 1500 ABŞ dolları və 50 manat pul oğurluq etməkdə şübhəli bilinən şəxs tutulub.
Shimal.News xəbər verir ki, daxil olan məlumat əsasında polis əməkdaşları tədbir keçiriblər.
Nəticədə hadisəni törətməkdə şübhəli bilinən əvvəllər məhkum olunmuş 28 yaşlı Elvin Məmmədov saxlanılıb. Həmin şəxsin avtomobilinə baxış keçirilən zaman narkotik vasitə olan heroin və psixotrop maddə metamfetamin aşkar olunaraq götürülüb.
Faktla bağlı cinayət işi başlanılıb, məhkəmənin qərarı ilə E.Məmmədovun barəsində həbs qətimkan tədbiri seçilib.
