Xaçmaz şəhərində əsən güclü külək bir sıra fəsadlar törədib.
AZƏRTAС-ın məlumatına görə, mayın 21-i Günəşli küçəsində böyük palıd ağacı güclü küləyin təsirindən kökündən qoparaq Asif Əlifşah oğlu Soltanova məxsus yaşayış evinin üstünə aşıb.
Ağacın zərbəsindən evin divarında çatlar yaranıb. Hadisə zamanı küçədəki qaz xətti də zədələnib. Ağac kran vasitəsilə evin üzərindən kənarlaşdırılıb. Xəsarət alan olmayıb.
Güclü külək Xaçmaz rayonun elektrik təsərrüfatına da ziyan vurub. Bəzi kəndlərin enerji təchizatında müvəqqəti fasilə yaranıb.
