Xaçmaz şəhərində yağan intensiv yağışlar nəticəsində bir sıra inzibati binalar zərər görüb.
Shimal.News xəbər verir ki, yağıntılar səbəbi ilə Xaçmaz rayonunda Dövlət Arxivinin yerli filialının və Maliyyə İdarəsinin yerləşdiyi inzibati binanı su basıb.
Məlumata görə, binanın dam örtüyünün qəzalı vəziyyətdə olması səbəbindən yağış suları tavanlardan içəri axır, bu da xüsusilə elektrik xətlərinin olduğu sahələrdə ciddi təhlükə yaradır.
Vətəndaşlar və əməkdaşlar aidiyyəti qurumların məsələyə biganə yanaşmasından narazıdırlar. Onlar binanın təcili təmirə ehtiyacı olduğunu bildirirlər.
Məsələnin həll olunmaması insanların təhlükəsizliyini risk altına salır.
