Xaçmaz rayonunun elektrik dirəkləri təhlükəli vəziyyət yaradır.
Bununla bağlı kənd sakinləri öz narahatlıqlarını Shimal.News-a bildiriblər.
Onların sözlərinə görə, Çaykənarı kəndində olan elektrik dirəklər naməlum səbəbdən əyilib. Nəticədə 3 fərdi yaşayış evi üçün risk yaranıb:
“Hadisə iyulun 6-da gecə saatlarında baş verib. Azərişıq ASC-yə məlumat verilib. Onlar isə əyilən dirəyə dəstək bağlayıb gediblər.
Daha sonra bu əraziyə gəlib dirəyi təmir edən olmayıb.
Baş verə biləcək hər hansı bir faciədən qorxduğumuz üçün uşaqlarımızı da həyətə buraxa bilmirik.
Aidiyyatı qurumlara müraciət ünvanlamışıq və onlardan problemi qısa zamanda aradan qaldırmalarını istəyirik".
