“Xaçmaz rayonunda məhkəmə hakimi işləyən dövrlərdə qətl hadisəsi baş vermişdi. Hadisə belə idi – təqsirləndirilən şəxs öz yaxın dostunu öldürmüşdü”.
Bu sözləri Ali Məhkəmənin tanınmış sabiq hakimi Əsəd Mirzəliyev Kazusmedia-ya açıqlamsında deyib.
O bildirib ki, qətl törədən şəxs hadisədən bir müddət əvvəl evlənibmiş:
“Onun qulağına çatır ki, evləndiyi qızla dostu arasında əvvəllər sevgi münasibəti olub. Həmin şəxs də qısqanclıq zəminində öz dostunu meşəyə apararaq öldürüb. Dostunu öldürdükdən sonra basdırıb. Bir müddət keçəndən sonra onun nəşi tapılıb”.
Hakim qeyd edib ki, hadisədən bir müddət sonra həmin şəxs saxlanılıb, cinayəti etiraf edib:
“Cinayət işinin ibtidai istintaqı yekunlaşıb məhkəməyə göndəriləndən sonra o, hadisəni törətmədiyini dedi. Şahid ifadələri əsasında həmin şəxsin cinayət törətdiyi sübuta yetirilmişdi”.
