Xaçmazda Sumqayıt sakininin meyiti tapılıb. Bu barədə ShimalNews 4 yanvar tarixində Report-a istinadən məlumat verir.
61 yaşlı İsmayıl Əliyevin cəsədi şəhərin Bakı prospektində yeni inşa olunan marketin ərazisində tapılıb.
Meyit müayinə olunması üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Xaçmaz rayon şöbəsinə təhvil verilib.
Faktla bağlı araşdırma aparılır.
Məlumata görə, sözügedən ərazinin bir qismində tikinti işləri gedir. Marketin yaxın günlərdə açılışı gözlənilir.
