Xaçmaz şəhərində baş vermiş yanğın nəticəsində 1 nəfər xəsarət alıb. Bu haqda ShimalNews 23 mart tarixində FHN-ə istinadən məlumat verir.
Ümumi sahəsi 196 kv.m olan birmərtəbəli 5 otaqlı evin dam örtüyünün yanar konstruksiyaları 60 kv.m sahədə, bir otağının yanar konstruksiyaları və ev əşyaları 18 kv.m sahədə yanıb.
Yanğın zamanı 1 nəfər tüstüdən zəhərlənib. Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
