Xaçmazda “Ulduzlar” ədəbi məclisinin növbəti məşğələsi keçirilib. Bu barədə ShimalNews 20 fevral tarixində məclisə istinadən məlumat verir.
Görüş Xaçmaz Rayon Mərkəzləşdirilmiş Kitabxana Sisteminin oxu zalında baş tutub. Sabir Nemətov “Yanındadır Azərbaycan”, “Adamlar”, Emfira Ərkli “Qarabağ” povestindən bir parça və “O gözlərdən nur tökülsün” şeirini, Pənah Elqəm “Hədəfəm”, Böyükağa Ağa “İzlərim qalır”, “Mən sonuncu Məcnunam”, AYB-nin üzvü Səyyad Sərraf “Olsun”, “Görmüşəm”, Mövlud Ağamməd “Qəzəl”, “Yarı bir” şeirlərini oxudular. Məclisin təzə üzvü Əfsanə Zaman “Bətnindəki səs” və “Təlatüm” hekayələrini dinləyicilərinə çatdırdı.
Əməkdar jurnalist Azər Həsrət və tədqiqatçı jurnalist Füzuli Baratov oxunulan şeir və hekayələr haqda öz düşüncələrini bölüşdülər.
