Xaçmaz rayonunda 2 yanğın hadisəsi qeydə alınıb. Bu haqda ShimalNews 7 mart tarixində Fövqəladə Hallar Nazirliyinə (FHN) istinadən məlumat verir.
Yanğınlardan biri Tikanoba kəndi yaxınlığında dənizə yaxın açıq ərazidə baş verib. Burada təxminən 1 ha sahədə quru ot və kol-kos yanıb. Yaxınlıqdakı tikililər yanğından mühafizə olunub.
Digər yanğın isə Mürşüdoba kəndi yaxınlığında açıq ərazidə qeydə alınıb. Əraziyə cəlb edilən yanğınsöndürənlər qısa müddət ərzində alovu söndürüblər.
