Rəqəmsal İnkişaf və Nəqliyyat Nazirliyinə məxsus “Aztelekom” MMC Xaçmazda kadr dəyişikliyi edib.
Bizim.Media-nın məlumatına görə, Xaçmaz Telekommunikasiya qovşağının rəisi Azim Davudov bu gün vəzifəsindən azad olunub.
Onun yerinə “Aztelekom” MMC-nin Şimal Regional filialının texniki direktoru Rasim Dərgahquliyev təyin olunub. O, qarşıdakı həftənin ilk iş günü yeni vəzifəsinə başlayacaq.
Məlumat üçün bildiririk ki, bir müddət öncə Qusar Telekommunikasiya Qovşağının rəisi Fərhad Pirmətov da vəzifəsindən kənarlaşdırılıb.
