Şuşa-Laçın yolunda 3 gün davam edən aksiyaya Xaçmaz sakinləri də qatılıblar. Bu barədə ShimalNews 14 dekabr tarixində BakuTV-yə istinadən xəbər verir.
Hal-hazırda ekofəallar və QHT təmsilçiləri ekoloji terror, faydalı qazıntı yataqlarının istismarı, xüsusilə Qızılbulaq qızıl və Dəmirli mis-molibden yataqlarının qanunsuz istismarı əleyhinə şüarlar səsləndirirlər və Rusiya sülhməramlılarının komandanı Andrey Volkovla görüş tələb edirlər.
Aksiya iştirakçıları "Volkov, cavab ver!", "Ekoloji terrora son!" şüarlarını səsləndirirlər. Ekofəallar general-mayor Andrey Volkov əraziyə gələnə qədər etirazlarını davam etdirəcəklərini bildirirlər.
