Xaçmaz şəhərində park edilən avtomobildən oğurluq olub.
Shimal.News-a daxil olan məlumata görə, hadisə Vahid Xəlilov küçəsində (Mərkəzi Xəstəxanasının arxasında) baş verib.
Şəhər sakini Murad Nurəliyev 50-DJ-209 dövlət nömrə nişanlı “VAZ-2109” markalı avtomobilini yolun kənarında park edərək işlərini görməyə gedib. Geri dönəndə isə nəqliyyat vasitəsinin arxa oturacağında olan fotokameranın oğurlandığını görüb.
Fotokamera çantası ilə birlikdə yoxa çıxıb. Vətəndaş güman edir ki, avtomobilin yalnız baqaj hissəsi kilitli olmadığı üçün həmin hissədən salona daxil olaraq kamera çantasını götürüblər. M. Nurəliyev məsələ ilə bağlı ərizə ilə Xaçmaz rayon Polis Şöbəsinə müraciət edib. Hazırda faktla bağlı təhqiqat aparılır.
Murad Nurəliyev həmçinin qeyd edib ki, ona təxminən 400 manat civarında ziyan dəyib. Çantanın içində kameranın digər qurğuları da olub. M.Nurəliyev kameranın yaddaşında şəxsi şəkillərinin olduğunu, o üzdən texnikanın tezliklə tapılmasını istəyir.
