Xaçmaz rayonunun Fərzəlioba kəndində bıçaqlanma hadisəsinin bəzi detalları məlum olub.
Shimal.News-un əldə etdiyi məlumata görə, kənd sakini, 41 yaşlı M.Şıxmuradovun boyun-boğaz orqanına bıçaqla xəsarət yetirilib. Eyni zamanda zərərçəkmişin cinsiyyət orqanı kəsilib. O, Xaçmaz rayon Mərkəzi Xəstəxanasına yerləşdirilib.
Hadisə M.Şıxmuradova məxsus evin qarşısında baş verib. O, gecə saatlarında işdən evinə geri dönən zaman, həmkəndlisi 31 yaşlı S.Mahmudovun hücumuna məruz qalıb.
M.Şıxmuradov ağır vəziyyətdə yaxınları tərəfindən Xaçmaz rayon Mərkəzi Xəstəxanasına çatdırılıb. Ona müvafiq tibbi yardım göstərilməsi üçün paytaxtdakı tibb müəssisələrindən birinə göndərilməsi gözlənilir.
Xəsarət alan M.Şıxmuradov ailəlidir, azyaşlı övladları var.
Hadisəni törədən Səbuhi Mahmudov polis tərəfindən şübhəli şəxs qismində saxlanılıb.
Faktla bağlı cinayət işi açılıb, istintaq araşdırmaları aparılır.
Xaçmaz Rayon Mərkəzi Xəstəxanasından bildirilib ki, xəsarət alan (kişi cinsli) şəxs hospitalizasiya olunub. Ona xarici cinsiyyət orqanının tam amputasiyası diaqnozu qoyulub. Müalicə tibb müəssisəsinin Cərrahiyyə şöbəsində davam etdirilir, vəziyyət ağır olaraq qiymətləndirilir.
