Qusar şəhərindəki Şövkət Orduxanov adına stadionda 3 il əvvəl yenidənqurma işlərinə başlanılsa da, 2024-cü ilin may ayında yarımçıq dayandırılıb.
AZƏRTAC-ın məlumatına görə, hazırda stadionda tikinti-təmir işləri aparılmır.
Qusarlı azarkeşlər yerli komandalarını doğma arenada dəstəkləmək üçün 2026-cı ili gözləməlidirlər.
“Şövkət Orduxanov adına stadion Gənclər və İdman Nazirliyinin balansına yeni verilib. Bu səbəbdən obyekt üzrə təmirin planlaşdırılması və icrası ilə bağlı əsas qərarlar nazirlik tərəfindən qəbul olunur. Stadionun əsaslı təmirinə gələn il başlanması nəzərdə tutulur. Təmirlə bağlı hər hansı yeni rəsmi məlumat daxil olduqda, ictimaiyyət operativ qaydada məlumatlandırılacaq”, - Qusar Rayon İcra Hakimiyyətindən bildirilib.
Qusarda stadion olmadığından I Liqada mübarizə aparan "Şahdağ Qusar" futbol klubu ev oyunlarını Şamaxı Olimpiya İdman Kompleksinin meydançasında keçirir.
