Xaçmazda 94 ildən artıqdır fəaliyyət göstərən təhsil oçağında təmir və inşa olunma işləri davam edir. Bu barədə ShimalNews 17 fevral tarixində məlumat verir.
Söhbət Qusarçay kənd tam orta məktəbindən gedir. Onun köhnə binası əsaslı təmir olunur. Eyni zamanda yeni ucaldılmış üçmərtəbəli korpusun tavanı qurulur. Gələcəkdə yeni bina və təhsil ocağının bərpa edilən hissələri dəhliz vasitəsilə birləşdiriləcək.
Təmir-tikinti işlərinin yeni dərs ilinədək yekunlaşdırılması nəzərdə tutulub. Layihəyə əsasən, 960 şagird yerlik məktəbdə sinif otaqları, fənn kabinetləri, müəllimlər otağı, kitabxana, kompüter otağı, laboratoriyalar, akt və idman zalı, eləcə də yeməkxana fəaliyyət göstərəcək.
Bu müddət ərzində şagirdlər üçün ödənişsiz avtobus xidmət göstərir. Onlar Xudat şəhər və Palıdlı kənd məktəblərində təhsillərini davam etdirirlər.
[caption id="attachment_36909" align="alignnone" width="640"]
[/caption]
